आपल्या रायफल क्लबने अल्पावधीतच राष्ट्रीय स्थरावर लोकिक प्राप्त केला असून आजपर्यंत ५ आंतरराष्ट्रीय, ३५ राष्ट्रीय तसेच ६६ महाराष्ट्र पातळीवरील पदके मिळवली आहेत. भारताचे आंतराष्ट्रीय नेमबाज अंजली भागवत, गगन नारंग, जसपाल राणा, अवनीत कौर आदी मान्यवर या क्लबवर सरावासाठी अनेकदा येतात. सदस्यांना या ठिकाणी नामवंत क्रीडा मानसोपचार तज्ञ आणि भारताच्या नेमबाजी क्षेत्राच्या आंतरराष्ट्रीय वर्चस्वाचे शिल्पकार श्री. भिष्मराज बाम यांचे नियमित मार्गदर्शन मिळते. मुख्य प्रशिक्षण श्री. विश्वजीत शिंदे हे स्वत: आंतरराष्ट्रीय नेमबाज असून राष्ट्रीय स्तरावर असंख्य सुवर्णपदक मिळवली आहेत. ते शिवछत्रपती पुरस्कार विजेते असून सध्याचे जागतिक रेल्वे नेमबाजी स्पर्धेतील दुहेरी सुवर्णपदक विजेते आहेत.
प्रशिक्षण अभ्यासवर्ग
मुलभूत तसेच उच्चस्तरीय प्रशिक्षण वर्ग १५ दिवसांच्या कालावधीचे आहेत. मुलभूत प्रशिक्षण वर्ग दर महिन्याच्या पहिल्या आठवड्यात सुरु होतो. या वर्गासाठी दहा वर्षे वयावरील सर्व व्यक्ती पत्र आहेत.
वर्गाच्या वेळा अशा :
मुलभूत अभ्यासवर्ग : व्याखान व प्रात्यक्षिक - सकाळी ७ ते ९ व संध्याकाळी ७ ते ९
उच्चस्तरीय प्रशिक्षण वर्ग : दर रविवारी.
या क्लबचे सदस्य होऊ इच्छिणाऱ्या व्यक्तीस दोन पारपत्र (पासपोर्ट) आकारातील छायाचित्रांसह आवेदन करावे लागेल.
अधिक माहितीसाठी संपर्क : श्री. विश्वजीत शिंदे - 022-24455578(सकाळी ७ ते ९)
